Opin norræn ráðstefna um geðheilbrigðismál 23. mars 2023

Myndin er fengin af vef Stjórnarráðs Íslands

Heilbrigðisráðuneytið boðar til ráðstefnu um geðheilbrigðismál þar sem þekktir „fyrirlesarar, íslenskir og erlendir, á sviði geðheilbrigðismála flytja erindi og taka þátt í vinnu- og málstofum um helstu áskoranir, strauma og stefnur sem snúa að geðheilbrigði og geðheilbrigðisþjónustu á norrænni ráðstefnu í Hörpu 23. mars næstkomandi.“ Heilbrigðisráðherrar annarra Norðurlanda verða einnig á ráðstefnunni.

Mikill áhugi er fyrir ráðstefnunni og skráðir gestir eru frá fjölmörgum löndum. Það stefnir í að færri komist að en vilja og því verður einnig streymi frá ráðstefnunni.

Hvort sem fólk ætlar að mæta á ráðstefnuna eða fylgjast með henni á streyminu er það beðið um að skrá þátttöku sína á henni. 

Lesa má fréttina af norrænu ráðstefnunni um geðheilbrigðismál á vef stjórnarráðsins. Þar er jafnframt vísað á vefsíðu ráðstefnunnar, slóðina þar sem fólk skráir þátttöku sína á henni og fleiri gagnlegar upplýsingar.