Karfan er tóm.
- Félagið
- Réttindi
- Samantekt fyrir foreldra
- Réttindamál
- Hjálpartæki
- Fjármál
- Húsnæði
- Lög og lagaleg málefni
- Vefverslun
- Styrkja félagið
- Tillögur
- Skráning á viðburði
- Greiningar innan félags
Hér er greint frá heilbrigðisþjónustu sem býðst hjá Sjúkratryggingum Íslands (SÍ). Meginhlutverk SÍ er að:
Réttindagátt á vefsíðu SÍ bætir þjónustu við notendur heilbrigðiskerfisins. Fólk skráir sig inn á sitt eigið svæði á vefnum. Þar fást allar upplýsingar um þau lyf sem viðkomanda hefur verið ávísað, kostnað sem hann hefur greitt fyrir þjónustuna innan opinbera heilbrigðiskerfisins og almennt yfirlit yfir heilbrigðisþjónustu sem hann hefur þegið. Þjónustuver SÍ liðsinnir fólki við að stofna aðgang að Réttindagáttinni.
Á vefnum er heildarlisti yfir greiðsluþátttöku SÍ vegna heilbrigðisþjónustu og annar yfir alla heilbrigðisþjónustu sem sjúkratryggingar veita.
Hjálpartækjamiðstöð Sjúkratrygginga Íslands (Htm) annast afgreiðslu á umsóknum um hjálpartæki og sér um endurnýtingu tækjanna.
Hjá Htm er hægt að fá ráðgjöf starfsmanna varðandi hjálpartæki, skoða þau og prófa. Ef óskað er eftir ráðgjöf frá iðju- eða sjúkraþjálfara er ráðlegt að panta tíma fyrirfram.
Þjónustan á landsbyggðinni:
Nánari upplýsingar um Hjálpartækjamiðstöð eru á vef Sjúkratrygginga Íslands.
Sjúkratryggingar sjá um þjónustu vegna lyfja og lyfjakostnaðar. Á vef stofnunarinnar er birtur biðlisti lyfja hjá heildsölum, fjallað um greiðsluþátttökukerfið og um úrræði vegna mikils lyfjakostnaðar.
Sjúkratryggðir einstaklingar geta átt rétt á greiðslu ferðakostnaðar vegna læknismeðferðar þegar sjúkdómsmeðferð býðst ekki á heimaslóðum. Þetta á við um ferðir lengri en 20 kílómetra frá heimili og þegar fara þarf ítrekað í ferðir vegna læknismeðferðar.
SÍ taka þátt í kostnaði við læknisþjónustu á heilsugæslustöðvum og hjá sjálfstætt starfandi heimilislæknum. Sjúklingar greiða sama gjald fyrir þjónustuna hvort sem heimilislæknir starfar á heilsugæslustöð eða er sjálfstætt starfandi. Greitt er samkvæmt reglugerð um hlutdeild sjúkratryggðra í kostnaði vegna heilbrigðisþjónustu. Greiðsluþátttaka SÍ við heilbrigðisþjónustu er ýmist að hluta til eða full.
Sérgreinalæknar starfa nú án samnings við SÍ en samþykkt var reglugerð sem kveður á um greiðsluþátttöku SÍ í kostnaði við þjónustu þeirra. Í reglugerðinni kemur fram að SÍ endurgreiði sjúkratryggðum mismun á heildargreiðslu samkvæmt gjaldskrá SÍ og reiknaðs kostnaðarhluta þess sjúkratryggða. Á meðan sérfræðilæknar hækka ekki gjaldskrá sína (nú þegar hefur hluti þeirra gert það) verður hlutfall endurgreiðslu það sama og verið hefur.
Sjúkratryggðir geta sótt um endurgreiðslu kostnaðar ef þeir hafa þurft að greiða fyrir þjónustu sérgreinalæknis að fullu.
Upplýsingar um sjúkradagpeninga
Sjúkradagpeningar frá stéttarfélagi hafa áhrif til lækkunar á örorkulífeyri. Ef sjúkradagpeningar fyrir desember voru til dæmis greiddir út í janúar þá teljast þeir tekjur fyrra árs og koma því til lækkunar á örorkulífeyrisgreiðslum yfirstandandi árs.
Sjúkratryggingar taka þátt í greiðslu á tannlækningum fyrir börn upp að 18 ára og lífeyrisþega. Greiðsluþátttakan nær til tannlæknina vegna alvarlegra fæðingargalla, sjúkdóma og slysa. SÍ greiðir sinn hlut samkvæmt eigin gjaldskrá sem er oftast lægri en gjaldskrá tannlækna.
Til að fá endurgreiðslu frá Sjúkratryggingum Íslands þarf að senda frumrit reiknings, sem er undirritað af tannlækninum og lífeyrisþega, til Sjúkratrygginga Íslands, Vínlandsleið 16, 150 Reykjavík. Í langflestum tilvikum kemur hlutur SÍ strax til lækknuar á reikningi tannlækna þar sem flestir þeirra eru tengir við upplýsingar frá hinu opinbera.
Það getur tekið nokkrar vikur þar til erindið er afgreitt.
Nánar má lesa um greiðsluþátttöku vegna tannlækninga á vef Sjúkratrygginga.
Í listanum á vefsíðunni „Öll þjónusta“ hjá SÍ eru listar yfir greiðsluþátttöku stjúkratrygginga í líkamlegri þjálfun til endurhæfingar, sjúkraþjálfun, iðjuþjálfun og talþjálfun.