Afslættir fyrir öryrkja

Við söfnum saman upplýsingum um afslátt fyrir örorkulífeyrisþega. Ef þú veist um fleiri staði sem veita afslátt en eru hér á listanum  máttu senda til okkar það í tölvupósti.

Tryggingastofnun heldur úti vefsíðunni Um skatta, afslætti og frádrátt fyrir fatlað fólk. Þar er m.a. vísað á slóðir með upplýsingum um afslætti fyrir öryrkja. Í nokkrum tilvikum vísar Tryggingastofnun á vef Þekkingarmiðstöðvar Sjálfsbjargar. 

Öryrkjabandalagið uppfærir reglulega upplýsingar sínar um afslætti fyrir fólk á örorkulífeyri.

Bókasöfn

Öryrkjar fá frítt bókasafnskort í Borgarbókasafninu og í flestum bæjarbókasöfnum.

Göngugreining

Stoðtækni

Veitir öryrkjum 10% afslátt af göngugreiningu.

P-merki/P-stæði

 

Hreyfihamlaðir einstaklingar eiga rétt á P-merki, sem er skírteini sem fatlaðir setja við framrúðuna í bifreið sinni og gefur það þeim leyfi til að leggja í sérmerkt stæði fyrir fatlað fólk. Slík stæði eiga að vera við þá staði sem fólk sækir þjónustu, svo sem verslanir og opinberar stofnanir en einnig geta einstaklingar sótt um að fá slík stæði við heimili. 

 

 

Kvikmyndahús

Sambíó ; Gestum í hjólastól er heimilt að fylgjast með sýningu án greiðslu ef þeir sitja í hjólastólnum á tilgreindum stað í salnum. Fylgdarmaður greiðir fullt miðaverð.

  • Afslættir fyrir eldri borgara og öryrkja eru veittir í miðasölum gegn framvísun skilríkja. Ekki hægt að nýta afslætti við netkaup. Gildir ekki í lúxussali, beinar útsendingar o.þ.h.

Smárabíó; er með afslátt fyrir öryrkja og eldri borgara

Leikhús

Þjóðleikhúsið

Öryrkjar fá 10% afslátt af miðakaupum gegn framvísun viðeigandi skírteinins

Líkamsrækt

World Class

Öryrkjar fá 15% afsláttur af kortum gegn framvísun skírteinis. *Afsláttur gildir ekki af 15 skipta kortum.*

Ellilífeyrisþegar
25% afsláttur af árskortum og áskriftarsamningum sem veita aðgang milli kl. 08:00 - 16:00 virka daga og ótakmarkaðan aðgang um helgar fyrir ellilífeyrisþega.

 

Lögfræðiþjónusta

Laga

Lögfræðistofan Laga veitir öryrkjum og eldri borgurum afslátt (ekki sagt hve mikill). Sú lögfræðiþjónusta sem Laga sér um er öll skjalagerð, stjórnsýslumál og skattamál. Svo dæmi sé tekið sér Laga um alla þjónustu hvað varðar samskipti við Tryggingastofnun.

Menntastofnanir

Endurmenntun Háskóla Íslands

Endurmenntun veitir öryrkjum 10% afslátt af námskeiðum tengdum menningu, persónulegri hæfni og tungumálum.

Háskóli Íslands

Námsmenn sem eru á örorku hafa heimild til að greiða lægra skráningargjald (25% afsláttur). Fara þarf í Þjónustuver á 2. hæð á Háskólatorgi með örorkuskírteini og greiða þar. 

Háskólinn á Akureyri

Þeir sem hafa 75% örorkumat fá 50% af skráningargjaldinu endurgreitt. Greiða þarf fullt skráningargjald og sækja svo um afsláttinn síðar með tilskyldum gögnum.

Myndlistaskólinn í Reykjavík

Öryrkjar fá 10% afslátt af vetrarnámskeiðum (vor og haust) og  styttri ámskeiðum í Myndlistaskólanum.

Strætisvagnar

Sund

Yfirlitssíða er um allar sundlaugar landsins er að finna á sundlaug.is.

Frítt  í sund

Eftirtaldar sundlaugar hafa frítt fyrir fatlað fólk:

 

Höfuðborgarsvæðið

Sundlaug Seltjarnarness - einnig frítt fyrir fylgdarmann gegn framvísun örorkuskírteinis. 

Sundlaugar í Hafnarfirði - Fyrir fatlaða einstaklinga og aðstoðarmenn þeirra er frítt í sundlaugar í Hafnarfirði (Sundhöllina, Suðurbæjarlaug og Ásvallalaug) ef sýnd er staðfesting á örorku. Einnig er frítt fyrir þá sem sýna staðfestingu á umönnunarmati (upplýsingar fengnar í júní 2015). 

Sundlaugar Kópavogs - Öryrkjar fá frítt í sund hjá Kópavogsbæ sýni þeir örorkuskírteini. Sundkort fatlaðra, sem gefið er út af Sjálfsbjörg á höfuðborgarsvæðinu fyrir ÍTR, er einnig tekið gilt í sundlaugar í Kópavogi.

Sundlaugar Íþrótta og tómstundaráðs Reykjavíkur (ÍTR) - Frítt er í sund fyrir öryrkja sem sýna örorkuskírteini eða sundkort ÍTR, sem gefið er út af Sjálfsbjörg á Höfuðborgarsvæðinu.

 

Vesturland

Jaðarsbakkalaug á Akranesi

Sundlaugin Ólafsvík - Það er frítt fyrir þá sem sýna örorkuskírteini

Sundlaugin Stykkishólmi - Öryrkjar fá afslátt

 

Vestfirðir

Sundlaugin Drangsnesi - Frítt er fyrir öryrkja sem búsettir eru í hreppnum. 

Sundlaugina á Tálknafirði - Öryrkjar fá frítt í sund og einnig frítt fyrir fylgdarmann gegn framvísun örorkukorts.

 

Norðurland Vestra

Sundlaugin Skagaströnd - 75% öryrkjar fá frítt í sund

Sundlaugin Varmahlíð - Öryrkjar sem hafa lögheimili í sveitarfélaginu fá frítt í sund.

 

Norðurland Eystra

Íþróttamiðstöð Eyjafjarðarsveitar, Íþróttamiðstöð Fjallabyggðar Ólafsfirði og Sundlaug Húsavíkur,

 

Suðurland

Sundhöll Selfoss, 
Sundlaugin á Stokkseyri
Sundlaugin í Hveragerði

 

Suðurnes

Grindavík, Vogum,     

Afsláttur í sund

Afsláttur er veittur fyrir öryrkja í sund á eftirtöldum stöðum:

Kaup/styrkur á bifreið

Tryggingingastofnun ríkisins býður fólki með hreyfihömlun, blindum og lífeyrisþegum upp á styrk til kaupa og reksturs bifreiða. Þá er einnig hægt að fá lán til að kaupa bíl að uppfylltum ákveðnum skilyrðum. Þá er einnig boðið upp á:

  • Uppbót vegna reksturs bifreiðar
  • Niðurfellingu bifreiðagjalda
  • Hærri styrk til þeirra sem eru að kaupa bíl í fyrsta skipti á ævinni.

Nánari upplýsingar má fá á síðu TR 

Verslanir

Fjölskyldu/-og Húsdýragarðurinn

Frítt er fyrir öryrkja og aldraða inn í Fjölskyldu- og húsdýragarðinnn í Laugardalnum Reykjavík. Sjá nánari upplýsingar um garðinn.

Athugið að upplýsingarnar hér að ofan eru fengnar af vef viðkomandi stofnana og fyrirtækja og gætu hafa breyst.