Karfan er tóm.
Tólf ára stúlka, Ella Casano, hannaði Medi Teddy® bangsann fyrir börn sem eru með lyfja- og næringarpoka í gegnum æðaleggi. Einstök börn taka þátt í góðgerðarverkefni um Medi Teddy, þökk sé þremur mæðrum einstakra barna sem söfnuðu fyrir böngsunum. Hugmyndin er að vinalegt andlit bangsans dragi úr kvíða sjúkra barna meðan á innrennsli í æð stendur og geri læknisþjónustuna heimilislegri.
Jákvæð áhrif bangsans á börn komu glöggt fram í könnun sem var gerð á meðal notenda hans:
95% svarenda sögðu að Medi Teddy® bætti tilfinningalega líðan barnsins meðan á innrennsli stóð.
46% svarenda sögðu að Medi Teddy® drægi úr líkamlegum sársauka sem barnið fann við innrennslið í æð.
87% svarenda sögðu að Medi Teddy® bætti upplifun umönnunaraðila.
100% svarenda sögðu auðvelt að nota Medi Teddy®.
Medi Teddy® bangsinn hvorki heftir aðgengi að lyfjapokanum né hylur hann þannig að auðvelt er að fylgjast með vökvanum eða lyfjunum sem barnið er að fá.
Medi Teddy® má þvo í þvottavél í heitu vatni en þó má ekki sjóða hann.
Börn sem eru í Einstökum börnum geta fengið Medi Teddy® án endurgjalds. Til að fá hann sendan heim þarf að fylla út formið hér að neðan.
Samþykki.
Ég samþykki að Einstökum börnum sé heimilt að vinna persónuupplýsingar um mig og barn mitt/börn mín í samræmi við 10. gr. laga um persónuvernd og vinnslu persónuupplýsinga nr. 90/2018. Gögn sem berast vegna umsóknar um félagsaðild að félagi Einstakra barna verða varðveitt og meðhöndluð í samræmi við persónuverndarlöggjöf og persónuverndarstefnu Einstakra barna.
