Hryggrauf er meðfædd missmíð á mænu og hrygg en þá er mænan og himnur þar utan um, ekki huldar af hryggnum heldur gúlpa aftur úr honum. Þó að talað sé um hryggrauf er það gallinn á mænunni sem veldur fötluninni.  Orsakir klofins hryggjar eru oftast ekki þekktar en í sumum tilvikum er um þekkta erfðagalla að ræða eða skort á fólínsýru, sem er tegund af B-vítamíni, en skortur á henni eykur líkur á að hryggrauf myndist í fóstrinu.

Einkenni

Einkenni sem einstaklingar með Hryggrauf geta upplifað eru: Lömun og skert skynjun í fótum og fótleggjum, skert stjórn á tæmingu þvagblöðru og þarma, flest börn eru með vatnshöfuð eða vökvasöfnun og aukinn þrýsting í heilahólfum, skaddaðar spjaldhryggjartaugar og einnig eru miklar líkur á endurteknum þvagfærasýkingum.

Hér er hægt að fræðast meira um hryggrauf:

• https://www.greining.is/is/fraedsla-og-namskeid/fraedsluefni/hryggrauf
• https://www.spinabifidaassociation.org/what-is-spina-bifida-2/