Við skelltum í Jólabingó í stað Jólaballs

Félagið Einstök börn hélt frábært Jólabingó á dögunum í rafrænu formi og er þetta í 3x á þessum Covid tímum sem við grípum í  Bingó spilið í samvinnu við Fjarskemmtun.    

Stjórn félagsins taldi öryggi allra best borgið með því að fella niður fyrirhugað jólaball og færa jólagleðina heim í stofu í beinni útsendingu og spila Bingó með 2 fjöruga jólasveina sem sáu um skemmtunina. 

Bingóið var afar skemmtilegt og var spilað um 8 stórglæsilegar körfur sem voru fullar af skemmtilegum gjöfum og gjafabréfum út að borða og fleira fyrir fjölskyldurnar - einnig voru aukavinningar í formi Kærleiksjólatré frá Sambó súkkulaði / lakkrígerð. 

Við þökkum öllum styrktaraðilum okkar sem komu að þessu verkefni með og lögðu okkur til eitthvað til að gleðja okkar fjölskyldur  - þetta sló í gegn og kom sér afar vel.