Kiwanisklúbburinn Hraunborg styrkir Einstök börn

Guðmundur Björgvin, formaður Einstakra barna, Yrsa og Styrmir Svavarsbörn og Haraldur Jónsson, formaður styrktarnefndar Hraunborgar /Mynd Hraunborgar

Kiwanisklúbburinn Hraunborg í Hafnarfirði veitti Einstökum börnum veglegan styrk í minningu Svavars Svavarssonar, félagsmanns Hraunborgar, sem lést síðastliðið haust langt um aldur fram, einungis 64 ára. 

Kiwanisklúbburinn Hraunborg bauð til veglegs hátíðarkvöldverðar þar sem styrkurinn var afhentur Einstökum börnum. Myndin af fjórmenningunum var tekin við það tilefni og birtist í fréttabréfi Kiwanisklúbbsins Hraunborgar þann 14. des. síðastliðinn. Á myndinni eru, talið frá vinstri: Guðmundur Björgvin, formaður Einstakra barna, börn Svavars heitins þau Yrsa og Styrmir og formaður styrktarnefndar Hraunborgar, Haraldur Jónsson sem afhenti styrkinn fyrir hönd Kiwanisklúbbsins Hraunborgar.

Einstök börn þakka Kiwanisklúbbnum Hraunborg hjartanlega fyrir velvildina í garð félagsins. Það eru einmitt svona stórhugar sem gera Einstökum börnum kleift að reka starfsemi til að styðja fjölskyldur barna með sjaldgæfa sjúkdóma og heilkenni.