Fara í efni

Íslenska / Fréttir / Desemberuppbót til foreldra langveikra og alvarlega fatlaðra barna.

Desemberuppbót til foreldra langveikra og alvarlega fatlaðra barna.

13.12.2021

Guðmundur Ingi Guðbrandsson, félagsmála- og vinnumarkaðsráðherra, hefur undirritað reglugerð sem kveður á um að foreldrar barna sem eru langveik eða alvarlega fötluð fái greidda desemberuppbót. Óskert desemberuppbót er 64.066 krónur. Samkvæmt reglugerðinni á foreldri langveiks eða alvarlega fatlaðs barns sem hlotið hefur greiðslur í desember 2021, samkvæmt lögum um greiðslur til foreldra langveikra eða alvarlegra fatlaðra barna, rétt á desemberuppbót. Foreldri sem fengið hefur mánaðarlega greiðslu samkvæmt lögunum alla tólf mánuði ársins fær fulla desemberuppbót. Foreldri sem fengið hefur greiðslur skemur en tólf mánuði á árinu 2021 á rétt á hlutfallslegri desemberuppbót í samræmi við þann tíma sem það hefur fengið greiðslur. Desemberuppbótin nemur þó aldrei lægri fjárhæð en 16.016 krónum. Tryggingastofnun annast greiðslu desemberuppbótar samkvæmt reglugerðinni.

Hlekkur á frétt:

https://www.stjornarradid.is/efst-a-baugi/frettir/stok-frett/2021/12/10/Desemberuppbot-til-foreldra-langveikra-og-alvarlega-fatladra-barna-/?fbclid=IwAR1ueQJQTaItjabWGc1AECoLQNJumImS4ycL9hTFPvyMo2VsMNrBIACZPK0